kuldeep S.

Dear sir/Mam

Mera naam Kuldeep Saini hai.
Main U.P ke district Muzaffarnagar ka rahne wala hu.
December 2022 main mujhe Sukhpreet naam ki ek ladki ka call aaya jisne mujhe khud ko Rudraksha group overseas solution ki employee btaya.
Sukhpreet ka kahna tha ke vo Mohali se baat kar rhi hai or unke office Rudraksha group overseas solution jo Mohali Punjab main hai vha Canada se koi special team aa rhi hai jo kewal 3 months main Canada work permit visa provide karti hai.
Fir Sukhpreet mam ne ye bhi bola ke agar main kal nhi aaya unke yha to vo 6 months main bhejegi...
Main na unhe jaanta tha or na hi kabhi unke yha gya tha balki maine kabhi koi help hi nhi maangi thi unse kisi bhi matter main mere paas khud hi phone aaya tha unhone passport office se mera no. Liya hoga sayad.
Fir next day main unke office main visit krne k liye gya vha unhone kaafi saari jobs dikhai par koi bhi job mere profile par fit nhi baith rhi thi.
Fir ek sir jinka naam Prabhjot tha unhone achanak se ek job nikali or mujhe Manager ki job offer ki Canada main jiske liye mujhe 5,******* ( 5 lakh) dene the...
Main bhut khush hua iske baat maine 5000 main registration karaya or apni job lock karai or vapas aa gya.
Fir Riya naam ki councellor mujhe provide ki gae uske baad unhone mujhe fir company bulaya or kha k 3 months nhi ab 4 months lagenge jo batch tha vo ja chuka main late ho gya.
Fir bhi maine jaise taise kar k interest par lekar 5 lakh rs 23 January 2023 ko jama kara diye Riya mam par vishwas kar k.
Uske baad Riya mam ne ek legal advicer provide karaya Unka naam Mr.Aaditya tha vo jaisa bolte gay main karta gya 5 months gujar gay fir unhone medical ki ek date di or kha k agar nhi hua to paise vapas le lena in sab document main kaafi karcha bhi hua.
Jaise hi medical ki date aae mujhe bataya gya k Mr. Aaditya ka promotion ho gya hai ab Mera case Mr.Bhaskar Yadav handle krenge unhone 2 months baad medical karane ki date di or kha k nhi to cancel kra Lena or apne 5 lakh vapas le lena or jaise hi vo date aae Mr. Bhaskar ka bhi promotion ho gya.
Ab case pahucha Mr. Vaibhav k pass unhone bhi bhut experiments kiye par yha bhi result same hi tha jaise hi di hue medical ki date aae unhe bhi case se hata Diya gya.
Uske baad case aaya Mr. Deepak k paas vo bhi 2 months Tak try karte rhe or mujhe written main likh kar what's app kiya k 20 January 2024 Tak kaam nhi hua to vapas paise le lena apne 5 lakh.
Ab main poori tarha se toot chuka tha 10 hazar har month mujhe intrest Dena pad rha tha to maine cancel karane k liye bol diya.
Fir December 2023 main cancel karane k liye application likhi.
Fir case pahucha Mr. Jagdeep k paas unhone 2 months Tak mujh par experiment kiye kabhi bolte Canada main holiday chal rhi hai 15 din isi m nikal gay fir bole Canada se call aaegi 15 din isme nikal gay par koi call nhi aae.
January 2024 mid aa chuka tha fir main bhut roya gidgidaya unke saamne karzdaaro ne mujhe maarne peetne ki dhamkiya di mujhe khoob insult Kiya tab jakar unhone mujhe 13 Feb 2024 ki date di payment refund k liye uske baad jaise hi 13 Feb 2024 aaya to mujhe bataya gya k unka bhi promotion ho gya hai...
Or aaj main is condition main aa chuka hu mere Ghar ka saaman bike jwellery sab bik chuke hai ya girvi rakhe ja chuke hai.
Par mujhe Mera Paisa nhi Mila mili hai to bas dates.
Jo koi bhi is complaint ko handle kar rha hai meri haath jod kar unse request hai please meri help kijiye.

Main kisi ka koi bura nhi chahata hu bas mere paise mujhe mil jae jis se main theek se apni family k saath survive kar saku.

Thanks and regards 🙏🙏
*******594 is my contact no.